സൈരന്ധ്രി

പ്രായോഗികവാദം : അനുഭവങ്ങളുടെ അറിവിടങ്ങളും നിത്യചൈതന്യയതിയുടെ വിചാരലോകവും. ദീപ്തി കെ. എച്ച് പ്രബന്ധസംഗ്രഹം പൗരാണിക ഗ്രീസിലെ സോഫിസ്റ്റ് ദാർശനികരിൽനിന്ന് ഉത്ഭവിച്ച പ്രായോഗികവാദം ചിന്തയേക്കാളുപരി മനുഷ്യരുടെ പ്രവൃത്തികൾക്കാണ് പ്രാധാന്യം നൽകുന്നത്. എല്ലാ ബോധനങ്ങളുടെയും അടിസ്ഥാനം പ്രവൃത്തിയാണെന്നാണ് പ്രായോഗികവാദികൾചിന്തിക്കുന്നത്.പ്രായോഗികവാദത്തിലധിഷ്ഠിതമായ വിദ്യാഭ്യാസപ്രക്രിയകളാണ് തുറന്ന മനസ്സോടെ ഏറ്റെടുക്കേണ്ടതെന്ന് നിത്യചൈതന്യയതിയുടെ വിചാരലോകങ്ങൾ നമ്മോട് സംവദിച്ചുകൊണ്ടേയിരിക്കുന്നത്. പ്രബന്ധം വിദ്യാഭ്യാസത്തെ സംബന്ധിച്ച് വിശാലവും സമഗ്രവുമായ കാഴ്ചപ്പാട് വെച്ചുപുലർത്തിയിരുന്ന ധൈഷണികരിലൊരാളായിരുന്നു നിത്യചൈതന്യയതി. മനുഷ്യജീവിതത്തിന്റെ സർവതലങ്ങളേയും സ്പർശിക്കുന്ന അദ്ദേഹത്തിന്റെ വിദ്യാഭ്യാസചിന്തകൾ ‘പരിവർത്തനോന്മുഖ വിദ്യാഭ്യാസം’, ‘പ്രശാന്തമായ വിദ്യാലയാന്തരീക്ഷം’, എന്നീ കൃതികളിൽ ഉൾക്കൊള്ളിച്ചിരിക്കുന്നു. വിദേശരാജ്യങ്ങളിൽ സഞ്ചരിക്കുകയും അവിടങ്ങളിൽ നിലനിൽക്കുന്ന വിദ്യാഭ്യാസമാതൃകകൾ ആഴത്തിൽ മനസ്സിലാക്കുകയും വിലയിരുത്തുകയും ചെയ്തതിനുശേഷം നമ്മുടെ നാട്ടിലെ വിദ്യാഭ്യാസരീതിയോട് യോജി...